අප විසින් ජීවිත කාලය පුරා සිදුකරන සැමරීම් විවිධය. බොහෝමයක් සැමරුම් යම් විශේෂ සිද්ධියක් වෙනුවෙන් සතුට සැමරීමකි.
"To do something special or enjoyable for an important event, occasion, holiday etc."
-webster dictionary
මේ අනුව සැමරීමක් යනු යම් වැදගත් සිද්ධියක් හෝ අවස්ථාවක් වෙනුවෙන් සුවිශේෂි හෝ සංතෝෂජනක දෙයක් සිදුකිරීමයි.
-webster dictionary
මේ අනුව සැමරීමක් යනු යම් වැදගත් සිද්ධියක් හෝ අවස්ථාවක් වෙනුවෙන් සුවිශේෂි හෝ සංතෝෂජනක දෙයක් සිදුකිරීමයි.
ශ්රී ලංකාවේ මැයි 1 දින සැමරුමෙන් පසු සිදුකළ විශේෂ සැමරීම සිදුවූයේ මැයි 18 දිනයි. එය විරුදින සැමරුම, ජන සංහාර සැමරුම, මහවිරුදින සැමරුම, විජයග්‍රහණයේ සැමරුම යනාදි ලෙස සැමරණි. කුමන නමකින් හැඳින්වුව ද අපිට මතුවන ගැටලුව නම් යුද්ධයක් සැමරිය හැකිද? යුද්ධයක් සැමරිය යුතුද? යන්නයි. මන්ද සැබෑ ලෙසම යුද්ධයකින් ජයග්‍රාහකයින් හෝ පරාජිතයින් තෝරාගත නොහැකිය. යුද්ධයක් කළ සියල්ලෝම පරාජිතයෝය. අති විශාල මානව ජීවිත හා භෞතික සම්පත් විනාශ වන, ස්වභාදහම පවා විනාශ කෙරෙන සිද්ධිදාමයකට ඡත්‍ර පදයක් ලෙස එය හැඳින්වූවාට වරදක් නැත.
එකම සිද්ධියකට ප්‍රතිවිරුද්ධ පාර්ශවයන් විසින් එකිනෙකට වෙනස් තේමාවන් හා අර්ථකථනයන් ලබා දෙමින් එකම රටක කණ්ඩායම්ගතව කරන සැමරීම තුළ සිදුවන්නේ වෛරය ඉස්මතු වීම පමණකි. එවැන්නක් පසුගිය දා ශ්රී ලංකාවේදී සැමරිණි. ඒ තිස් වසරක යුද්ධය නිමා වූ දිනය මුල් කොට ගෙනය. නමුත් මෙහි ඛේදවාචකය වන්නේ ඔවුන් සමරනු ලැබුවේ ගොරහැඬි, අප්‍රසන්න යුද්ධයක් නිමා වීමෙන් ලද සැනසීමේ ප්‍රීතිය නොවීමයි. ජයග්‍රහණයන්, පරාජයන් සැමරීම සිදු කරනු ලැබුවේ යුද්ධයෙන් මියගිය ඥාතීන්ගේ නාමයෙනි. අරමුණු දෙකක් වෙනුවෙන් සටන් වැදුනු දෙපිරිසක් සැමරීම තුළ ද ජාතිවාදය, වෛරය ඉස්මතු වී හැර සිදුවන සෙතක් නැත.
ඇතැම් මාධ්‍ය මෙවැනි දෑ ජනතාව ප්‍රකෝප වන අයුරින් වාර්තා කිරීමට ද නොපැකිලෙයි. නිදසුනක් ලෙස,
" යාපනය විශ්වවිද්‍යාලයේ කොටි සමරු උත්සවයක් සංවිධානය කර ඇතැයි වාර්තා වේ. කොටි නායක වේලුපිල්ලේ ප්‍රභාකරන් ඇතුළු මියගිය කොටි නායකයන් මෙහි සමරනු ඇති බවටයි වාර්තා ගත වන්නේ. ඊලාම් සිහිනය එහි ප්‍රදර්ශනය කර තිබෙනවා"
ඇතැම් මාධ්‍ය මෙවැනි දෑ ජනතාව ප්‍රකෝප වන අයුරින් වාර්තා කිරීමට ද නොපැකිලෙයි. නිදසුනක් ලෙස,
" යාපනය විශ්වවිද්‍යාලයේ කොටි සමරු උත්සවයක් සංවිධානය කර ඇතැයි වාර්තා වේ. කොටි නායක වේලුපිල්ලේ ප්‍රභාකරන් ඇතුළු මියගිය කොටි නායකයන් මෙහි සමරනු ඇති බවටයි වාර්තා ගත වන්නේ. ඊලාම් සිහිනය එහි ප්‍රදර්ශනය කර තිබෙනවා"
මෙම ප්‍රවෘත්තිය ඇස ගැටෙන සිංහලයින් බොහෝ දෙනෙකු කුපිත වන ආකාරයටම සිංහලයින්ගේ සැමරීම් දෙමළ ජනතාව ප්‍රකෝප කරයි. ඒ අනුව මෙය ජාතික සමඟියට තර්ජනයක් වන තත්වයට පත්ව ඇත.
ජනපති ප්රමුඛ රජය කොළඹ නඟරයේත්, දෙමළ සන්ධාන උතුරු පළාත් සභා මන්ත්‍රී සිවාජිලිංගම් මහතා මහා විරු දිනය නමින් යාපනය නල්ලූර් කෝවිල ඉදිරිපිටත්,උතුරු පළාත් සභා ප්‍රධාන අමාත්‍ය සී.වී. විග්නේශ්වරන් මුලතිව් වෙල්ලමුල්ලිවෛකාල්හිදිත් සැමරුම් සිදු කලේය.
ජනපති ප්රමුඛ රජය කොළඹ නඟරයේත්, දෙමළ සන්ධාන උතුරු පළාත් සභා මන්ත්‍රී සිවාජිලිංගම් මහතා මහා විරු දිනය නමින් යාපනය නල්ලූර් කෝවිල ඉදිරිපිටත්,උතුරු පළාත් සභා ප්‍රධාන අමාත්‍ය සී.වී. විග්නේශ්වරන් මුලතිව් වෙල්ලමුල්ලිවෛකාල්හිදිත් සැමරුම් සිදු කලේය.
සැමරුමට හේතුව වූ යුද්ධයට හේතු විමසූ විට යුද්ධයක් යනු එක් වරම ඉබේ පහලවන්නක් නොවන බව හඳුනාගත හැකිය. එයට හේතු වූ පසුබිම පිළිබඳව අවධානය යොමු කළ යුතු වන්නේ ජාතිවාදී රාමුවෙන් පිට සිටයි. සමාජයක ඉතිහාසය පිළිබඳ අවසාන තීන්දුව බොහෝවිට එම සමාජයෙහි අධිපති පන්තිය නියෝජනය කරන ජාතිය විසින් දෙනු ලබයි.පීඩිත පන්ති අරගලය දුර්වල වූ විට සමාජයේ ප්‍රතිගාමී නිර්වචනයන් බලහත්කාරී ලෙස අධිපති පන්තිය විසින් අතුගා දමනු ලබයි. 83 කලු ජූලිය පිළිබඳ කතන්දරයද එම න්‍යායට අනුව නිර්මාණය හුදු කතන්දරයක්ම පමණි. 1958, 1977, 1981 වර්ෂයන්හි සිදු වූ දෙමළ විරෝධී ප්‍රචණ්ඩ ක්‍රියා, මානව හිමිකම් උල්ලංඝනයන්, ලිංගික අතවර, දෙමළ ගම්බිම් හමුදාකරණය, හමුදාමය මර්දනයන්, ඉඩම් හා දේපළ කොල්ලය සහ සංස්කෘතික විනාශය ආදිය අනන්‍යතා ආරක්ෂා කරගැනීමේ අරගලයකට අතවැනීමක් විය.
දෙමළ ඊලාම් විමුක්ති කොටි සංවිධානයේ (LTTE) නාමයෙන් රාජ්‍ය විසින් පුද්ගල පෙලඹවීම් උපක්‍රම භාවිත කිරීම මෙන්ම දේශපාලන හා පෞද්ගලික පලිගැනීම් ද සිදු කෙරුණි. එක් පාර්ෂවයක් විසින් තමන් කළ අපරාධ සම්බන්ධයෙන් අවංක හැරී බැලීමක් සිදුකීරීම තුළින් අනෙක් පාර්ෂවයට ද එවැනි දේකට පෙළඹවීමක් සිදුවෙයි. මහා ජන සංහාරයෙන් අරගලය පරාජය කොට එක් කොටසක් රටේ එක් පසෙකට තල්ලුකොට ප්‍රජාතන්ත්‍රවාදය බුක්තිවිඳිය හැකි යැයි සිතීම විහිලුවකි.
යුද්ධයකට හේතු සකස්කර දෙන ජාතිවාදී ක්‍රියා පසෙකලා සකල ජනතාවගේ වරප්‍රසාද පොදු සම්මුතියක් තුළ ඉටුකළ යුතු කාලය එළඹ ඇත. කුඩා කළ සිට දරුවන්ට ලබා දෙන අධ්‍යාපන ක්‍රමවේදය ද ගෝත්‍රිකවාදයෙන් බැහැරව ජාතික සමඟිය කුළුගැන්වෙන ආකාරයෙන් සකස්විය යුතුය. එතුළින් යුද්ධයක් සැමරීම වැනි ඕලාරික පුහු දෑ සිදුකිරීමට ඔවුන් කිසිසේත් නොසිතනු ඇත.
මේ වන විට ශ්රී ලංකාවේ උද්ගතව ඇති ආපදා තත්වය නිසා පීඩිත වූ ජනතාවට සහන සැලසීමට උතුරේ ජනතාවගේ ද සහය ලබා ගැනීම සේම උතුරේ ජල ගැලීම් ඇති වීම් පිළිබඳ සොයා බලා එවන් අවස්ථාවක ජාති බේද නොසලකා සහය ලබා ගැනීම වැනි දෑ තුළින් ජාතික සමඟිය ඉස්මතු කළ හැකිය.
මේ වන විට ශ්රී ලංකාවේ උද්ගතව ඇති ආපදා තත්වය නිසා පීඩිත වූ ජනතාවට සහන සැලසීමට උතුරේ ජනතාවගේ ද සහය ලබා ගැනීම සේම උතුරේ ජල ගැලීම් ඇති වීම් පිළිබඳ සොයා බලා එවන් අවස්ථාවක ජාති බේද නොසලකා සහය ලබා ගැනීම වැනි දෑ තුළින් ජාතික සමඟිය ඉස්මතු කළ හැකිය.
යුද්ධයෙන් මිය ගිය අයට හෝ අාබාධිත අයට යුධ සැමරුම් තුළින් වන සෙතක් නැත. නැවතත් යුද්ධයක් ඇති වන තැනට හේතු නිර්මාණය කිරීම යටකී පිරිසට සිදුකරන අගෞරවයකි. නින්දාවකි. පොදුවේ යුද්ධයෙන් පීඩිත වුණු තවමත් පීඩා විඳින පිරිස වෙනුවෙන් කළ හැකි කාර්යයන් පසෙකලා වෛරයේ ගිනි දැල් අවුලුවන බොළඳ සැමරුම් නතරකිරීම තුළින් ඉන් අත්වන වාසි රටේ සංවර්ධන කාර්යයට ඉවහල් කරගත හැකිය.
