-------දෙහදක අහිමි හිමිකම්--------

නොහැඟුන තරම් ඔබ මා සතු නොවේ කියා
දුටු වන මගේ හදවත හිරී වැටී ගියා
වැරදියි හරියි රේඛාවෙන් බෙදා සොයා
වෙන් කළ කාලෙ ඇත මා දෙස නුවන් අයා

.................................

නොසිතූ තරම් දෙනෙතඟ නලියන තාල
දුටුවා හොරෙන් ලය මා තෙරපා ආල

 නොහැඟුන අරුම බඳිනට හිමි නැත මාල 

රසයෙන් දැවෙමි කීමට කිම වී කෝල...

...................................

ඔබ අන් මලක රූ විඳිනා බඹරාණෝ
ඒ මල හිතයි ඔබ ඈගේ කුමරාණෝ
රහසේ බැන්ද පෙම් සටනේ විරුවාණෝ
ඔබමද දිනක මේ සෙනෙහේ මරුවාණෝ

.....................................

දෙමලක් තලා රොන් ඉරුවත් හරි රසට
හුරු මල තැලෙන්නේ ඉද හිට නොම සැපට

 රහසේ තටු සලා තෙරපී නුඹ ලයට
විදිනා සුවය පැරදිය හැකි මොන මරුට..

........................................

කඳුලක බරක් නෙත උසුලන වෙලාවක
ඔබ ඉන්නවද මා සිත වට වලාවක
අද තනි වෙලා හිඳිමින් ගන කැලෑවක
ඈතින් බලමි ඔබ හිරු මං තලාවක

......................................

ගත දැවටෙනා උණුහුම් සුව හා සමව
සිත් පිබිදුණා හිමි නැති නුඹගේ හමුව
දිවි මං තලාවේ යනෙනා භව තනිව
ඉන්නෙමි නෙතට දී තුටු කඳුලැල් බරව....
16/10/21*