සාවිට හොරා කළු අහසම එළි වූවා
සාවිය සිතයි සඳ තුළ සිර ගෙයක් කියා
රෑ කළුවරේ සිසිලස තව හොඳයි කියා
පිම්මක් මදියි ලෝකය හරි විසල් කියා
කැලයක් මැදින් තව අහසක් ඇතැයි කියා
රෑ කළුවරේ සිසිලස තව හොඳයි කියා
පිම්මක් මදියි ලෝකය හරි විසල් කියා
කැලයක් මැදින් තව අහසක් ඇතැයි කියා
තරු මල් උඩින් පා තබමින් සිත් නාවා
දූවිලි පිරුණු මතකය පා කර ලූවා
වලා රොදක හැඟුමට හද දී පාවා
සාවිට හොරා කළු අහසම එළි වූවා
දූවිලි පිරුණු මතකය පා කර ලූවා
වලා රොදක හැඟුමට හද දී පාවා
සාවිට හොරා කළු අහසම එළි වූවා
සඳින් පිටව මොහොතක අහසේ සරනා
සාවුන් සදිසි දරුවන් මිහිමත දකිනා
සැනකින් මාව සඳ මත සොයනා බැවිනා
උන් ගැන සිතා එදෙසට පියවර නැගුනා
සාවුන් සදිසි දරුවන් මිහිමත දකිනා
සැනකින් මාව සඳ මත සොයනා බැවිනා
උන් ගැන සිතා එදෙසට පියවර නැගුනා
No comments:
Post a Comment