අමුතු ඉලන්දාරියා

ඔයාගෙ එක සිත්තමක
නිරූපිකාව නොසිටි දින
මතකද නුඹට ඒ වැසි දින
අද වගේම අහස ගොරවන

නීටා නුඹ එදා ඇන්දෙ මාව
කළු තොල් රත් පැහැ කොට
විලුඹට වඩා දිග ගවුමට
සින්ඩරෙල්ලගෙ සපත්තු දැම්මා
එදා මට මාව හමුවුණා සත්තයි නීටා

අම්මගෙ පව්ඩර් බෝතලේ
හලාගෙන ඇඟ පුරා
පිට්ටනියෙ අයිනක
බලන් උන්නෙ කොල්ලන්ගෙ සෙල්ලම් 
සුකුමාල කිරිල්ලිය
හයියෙන්ම හිනාවී
දමා ගැසු බෝලයෙන්
රිදුම් දේ දෙපරැන්ද තවමත්

ඇස් දෙකේ මස්කාරා
දියවෙනකල් ඇඬුවා
නීටා උඹ මාව
තේරුම් ගත්ත දා..
එදා ඉඳන් මං උඹේ
හොඳම යෙහෙළිය

රෝස මල්වලට වඩා
වෙරළු මල් සුවඳ නැති වරදට
කහ සාරියේ ඉඳුල් වක්කරන්
මේ වගේ ගිලෙන උන් බේරන්න
කුණු ගඟේ පීනුවා ගිලෙනකන්

ඔවදන් ඇසුවා නම් කෝ මුනිඳුන්

ඉරිමා උදැහැන
ගෙන වැලි අහුරක්
විසි කොට අහසට
රාහුල හිමි සේ
මා පැතුවේ නෑ
ලබනට ඔවදන්

ඔවදන් ඇසුවා නම් 
කෝ මුනිඳුන්

කර මත හිඳුවා ගෙන එක් තුරඟෙක්
මිනිහෙක් ගියාලු ගමනක් දවසක්
වට පිට හිඳි මිනිසුන්ගේ නන් බස්
කුමටද ඒ යන ගමනට කියපන්

ප්‍රේමයේ රික්තකය _________.. The Lover වේදිකා නාට්යය ඇසුරෙන්

ප්‍රේමය, රාගය, ආදරය, සෙනෙහස ඈ නා නා පදරුත් හා නිර්වචන සපයන මානව හැඟීම් මෙසේ භාවිත විය යුතු යැයි අපට කිව නොහැකි නමුත් සමාජ ගැටලු ඇතිවන තත්වයන්ගෙන් මිදී යහපත් හැසිරීමකින් සමන්විත වීම සන්තුෂ්ටියට හේතු සපයන්නකි. චරිත ත්‍රිත්වයකින් යුත් The Lover වේදිකා නාට්‍ය සමාජයේ බොහෝවිට සිදුවන සිදුවීමක් අපූර්ව ආකාරයකින් ප්‍රතිනිර්මාණය කිරීමකි.

නූතන සමාජ සංකීර්ණත්වය නිසා පැන නගින සිනහව, කඳුළු හා ආතතීන් අතරින් ගලායන ජීවිත හැරල්ඩ් පින්ටර් ගේ The lover වේදිකා නාට්‍යය තුළ වේ. තිළිණි රුවන්දිකා විසින් මෙම නාට්‍යයේ සිංහල පරිවර්තනය අධ්‍යක්ෂණය කොට ඇත.

පුහුදුන් මානවයා තුළ පවත්නා ආශාවන් අසීමිතය. ලිංගිකත්වය යන භාවිතාව තුළ ඔවුන්ගේ ක්‍රියාකාරිත්වයත් විවිධය. සේරා ඇගේ සැමියා(රිචඩ්) රැකියාවට පිටව ගිය පසු වෙනත් තරුණයෙක්(මැක්ස්) නිවසට ගෙන්වා ගන්නේ තම සැමියාගේද අනුදැනුම මතයි. සැමියා වන රිචඩ් ද බිරිඳට අමතරව තවත් කාන්තාවක් ඇසුරු කරනා බව මෙහි කියවෙයි. තම සැමියා වන රිචඩ් සමඟ බොල දක්වා සළු ඇඳි සදාචාර සම්පන්න ගැහැනියකගේ ප්‍රතිබිම්භය ප්‍රතීයමාන කරන සේරා තම අනියම් පෙම්වතා සමඟ ඊට හාත්පසින්ම ප්‍රතිවිරුද්ධ ආකාරයක් රඟ දාක්වයි. තම සැමියා නිවසින් පිටව ගිය පසු දිග ගවුම ගලවා විසි කරන ඇය බටහිර පන්නයේ ඉතා කෙටි කලිසමකින් සැරසෙයි.

කතාවේ මුල් භාගයේම රැකියාව නිමවී නිවසට පැමිණෙන රිචඩ්ට තම බිරිඳගේ උස් අඩි පාවහන්  ප්‍රශ්නයක් වෙයි. ඇය කිසිවක් නොකියා එම පාවහන් ඉවත් කරන්නේ සමාව භජනයකිරීමක් ද සමඟයි. ඔහු නිවසේ බිරිය සදාචාරසම්පන්නව සිටිය යුතු යැයි සිතන අතර ඔහු ඇයට නිවසින් පිටතදී තබා ගන්නේ ප්‍රදර්ශන භාණ්ඩයක් ලෙසයි. විටෙක රිචඩ් පවසන්නෙ තම අතේ එල්ලී යන සුකොමල බිරිය ඔහුට ආඩම්භරයක් බවයි. නමුත් රිචඩ් සහ සේරා නිදි යහනේ දෙපැත්තට හැරී නිදාගනියි.. බිරිඳ ඉටුකළ යුතු වගකීම් පිළිබඳව රිචඩ් අවධාරණය කරයි. තමා රැකියාව නිමවී නිවසට පැමිණෙන විට ආහාර සූදානම් කිරීම බිරිඳකගේ වගකීමක් බව රිචඩ් විටෙක සඳහන් කරයි.

සේරා ඉතා කාමුක ආකාරයෙන් තම ආශා සන්සිඳුවාගැනීම සිදුකරන්නේ අනියම් පෙම්වතා සමඟිනි. මන්ද ඔහු සැමදාම දකින කුකුළාගේ කරමලේ හැඟීම සේරා තුළ ඇති නොකරන බැවිනි.
The Lover නාට්‍ය තුළ හුදු ප්‍රේක්ෂිකාවක් ලෙස මම දකින සමස්තය මෙසේය. සමාජ ගැටලුවක් බවට පත්වෙන අවස්ථාව දක්වා ගමන් ගන්නේද මෙයයි. කුමක්ද? පිරිමියා විසින් හුදු සදාචාර ගැහැනියක් නිවස තුළින් බලාපොරොත්තු වේ. ගැහැණිය තම ආශාවන් සිර කොට ගෙන සිටින්නීය. ඇයට කළ යුතුව ඇත්තේ වගකීම් ඉටුකිරීමයි. නමුත් The lover හි සේරා තම සැමියාගෙන් ලබන නිදහස තුළ ඇගේ ආශාවන් සන්තෘප්ත කරගන්නේ අනියම් පෙම්වතාගෙනි. අවසන පිරිමින් දෙදෙනාගෙන්ම “වේසිය” ලෙස ආමන්ත්‍රණයට ලක් වූයේ ගැහැණියයි.. ලක්වන්නේද ගැහැණියයි.

රිචඩ් කාමුක ගැහැණියකගේ ඇසුර නිවසට පිටින් සොයයි. සේරා කාමුක මිනිසාගේ ඇසුර තම සැමියාට පරිබාහිරව ලබයි. රික්තකයක් සෑදීම හා එම රික්තකය පූරණය කිරීම මෙහිදී සිදුවී ඇත. නමුත් මෙම නාට්‍ය මඟින් ඉඟි කරනුයේ එකම සැමියෙක් හා එකම පුරුෂයෙක් තුළ මේ සියල්ල පවතින බව නොවේද? ගැටලුව සැකසෙන්නේ සංස්කෘතික සදාචාරසම්පන්න මිනිස් සන්තානය යම් යම් සීමාවන්ට කොටු වීමට යෑම නිසාය. අවසන සාදාචාරය රෙද්ද පල්ලෙන් බේරෙන යුරු පෙන්වන්නේ ලෝකයාට අඹු සැමියන් සේ සිටින ඔවුන් අනාචාරයේ යෙදීම තුලිනි.

සේරාගේ අනියම් පෙම්වතා වන මැක්ස් විටෙක කැළඹුනු සිතින් රිචඩ් පිලිබඳව සේරාගෙන් ප්‍රශ්න කරයි. සේරා හා මැක්ස් මේ වන විට සිදුකරමින් පවතින කාර්ය ( මෙවුන්දම්හි යෙදීම) මැනවින් දැනගෙනත් පිරිමියෙකු ලෙස ඔහු ඉවසන්නේ කෙසේද සහ ඉවසන්නේ ඇයිද යන්න මැක්ස්ට ප්‍රශ්නයක් වෙයි. තවත් විටක තම බිරිඳට පිටුපා වෙනත් කතක් ඇසුරු කිරීම ඔහුගේ හෘදසාක්ෂියට ප්‍රශ්නයක් වෙයි. අවසානයේ ය ඔහුගේ සැබෑ ප්‍රශ්නය මතුවන්නේ. ඈ ක්‍රමයෙන් වියපත් වීමත් සමඟ ඇගේ ශරීරය කෙට්ටු වීම ඔහුට ප්‍රශ්නයකි. ඔහු කැමතිව ඇත්තේ මහත පිරිපුන් ගැහැණුන්ටය. පිරිමියාගේ ආශාව සංතෘප්ත කරගත නොහැකි වූ තැන ගැහැණිය තවදුරටත් රැකවරණය හෝ ආදරය නොලැබෙයි. මැක්ස් සේරාගෙන් ඉවත් වන බව ඇඟවීමත්, ඉන් පසු නිවසට පැමිණෙන ඇගේ සැමියා වන රිචඩ් ඇගෙන් ඉවත් විය යුතු බවක් ඇඟවීමත් තුළ ඇයට රැකවරණය පිළිබඳ භීතිය ඇතිවෙයි. සේරා නැවතත් බිරිඳගේ වගකීම් දෙසට හැරී කලින් පිළියෙල නොකළා යැයි කියූ රාත්‍රී ආහාරය ගෙන ඒමට ගිය එම අවස්ථාව මනමේ කුමරිය වැදි රජු හා විසීමට කැමති වීම වැනියැයි මට සිතෙයි.

The Lover නාට්‍ය තුළ රිචඩ්ට හා මැක්ස්ට පණ පොවන්නේ එකම පුද්ගලයා ය. නාට්‍යයේ අරුතද එයයි. එකම පුද්ගලයෙකුට පිරවිය හැකි රික්තකයක් වෙනත් කෙනෙකු ලවා පිරවීමට ගොස් සමාජය ගැටලුවකට මුහුණ දෙයි. එම රික්තකය නිවසින්ම හමුවෙයි. වේසි යනුවෙන් රිචඩ් අවසානයේ තම බිරිඳ වන සේරාට පවසන්නේ එම රික්තකය පිරවූ අවස්ථාවේදීය.

ලංකාවේ පෙරපාසල් අධ්‍යාපනය ප්‍රමිතිගත ද ?

දරුවන්ගේ අධ්‍යාපනයේ මූලිකම සහ වැදගත්ම අවස්ථාව ප්‍රාථමික අධ්‍යාපනයයි. ඉන් ලබන පෙරහුරුව, පසුබිම හා අත්වැල කණිශ්ඨ ජ්‍යෙෂ්ඨ අවධීන් පසුකරමින් වැඩිහිටියෙකු දක්වා අධ්‍යාපනයේ අරමුණු මුදුන් පමුණුවා ගැනීමට ඉවහල් වෙයි.  දෙමව්පියන් විසින් දරුවා මුලින්ම යොමුකරනු ලබන්නේ ද පෙරපාසල් අධ්‍යාපනයටයි. Montessori course නමින් සමාජයේ ව්‍යාප්තව ඇති පාඨමාලාව ළමා මානසිකත්වය හඳුනාගත් ගුරුවරයෙකු බිහි කරන්නේදැයි අපට නැවතත් ප්‍රශ්න කළ යුතු සිදුවීමක් පිළිබඳ අද දින Mirror girlට අසන්නට ලැබීම මෙම ලිපියට හේතුවයි. එනම්,

හංවැල්ල, වග ප්‍රදේශයේ පෙරපාසලක ඉගෙනුම ලබන දියණියක් දිවා ආහාරයට කඩල කෑම ප්‍රතික්‍ෂේප කළා යැයි පෙරපාසල් ගුරුතුමිය විසින් කළුවර කාමරයක සිර කර තබා අමානුෂික ලෙස පහර දී ඇත.  මෙයින් තුවාල ලැබූ දියණිය පාදුක්ක දිසා රෝහලට ඇතුළත් කර ඇත. මේ සම්බන්ධයෙන් පහර කෑමට ලක් වූ පෙරපාසල් දියණියගේ මව විසින් හංවැල්ල පොලිසියට පැමිණිල්ලක් සිදුකර ඇත.

මෙම පහරදීම හේතුවෙන් තම දියණිය වන හිමිදි හිරණ්‍යා මෙන්ඩිස්ගේ (4) කන තුවාල වී ඇති බවත්, පාදයේ තැළුම් පහරවල් දකින්නට හැකි බවත් කළුවර කාමරයක සිර කර තැබීම නිසාවෙන් බියට පත්වී දියණිය පෙරපාසල් යෑම ප්‍රතික්‍ෂේප කරන බවත් හංවැල්ල පොලිසියට කළ පැමිණිල්ලේ සඳහන් වන බවද පොලිසිය පැවසයි.

මෙය අනාවරණය වූ තවත් එක් සිදුවීමක් පමණි. දෙමව්පියන් රැල්ලට යමින් International යැයි කියාගන්නා පෙරපාසල් වලට තම දරුවන් ඇතුළත් කරන්නේ ඉංග්‍රීසි මාධ්‍යයෙන් අධ්‍යාපනය ලබා දීමේ අරමුණිනි. නමුත් භාෂාව ගැන පමණක් නොසිතා ළමා මනස අවබෝධකරගැනීමට හැකියාවක් සහිත ගුරුවරුන් වෙත දරුවන් යොමු කළ යුතුව ඇත. පෙර පාසල් අධ්‍යාපනය විධිමත් කිරීම , නිසි පුහුණු ගුරුවරුන් දරුවන්ට ලබා දීම තුළින් පමණකි මෙම තත්වය වෙනස් කළ හැක්කේ..

පැලගාව කුමලිගේ එබෙන දා සඳපාන

කවුළුවෙන් මා ලිස්සුනේ සහන්

දඟපාන ආලයෙන් සුවඳ මුසු කොමලාන

ඉසුරුමුනි ගිහින්වද මං හොරෙන්

එම්බාම් කෙල්ල

කළුවරට බය වුණා තමයි ඒ ඉස්සර
දැන් සොහොන් පිට්ටනි ළඟද මට කොච්චර
පළමුවෙන් කැපු මිනිය ගලවලා වස්තර
දැන් දන්නෙ මිනිස් ඇඟ වාගේම දොස්තර

ලියුම් හත අට අරන් මං පස්සෙ ආව
එකම බත් මුල ලිහන් එකට ඉඳ කෑව
නිමල් අයියගෙ සිරුර උණුයි තව බෑව
කඳුළු හෙලුවත් කෝම ගන්නෙ මං වාව

එම්බාම් කෙල්ල මං වයස තිස්පහ පැන්න
ඉටුවුනේ නැති වුණත් හීන නම් ඉතිරෙන්න
රස්සාව පස්සෙ මං පැන්නුවා ඇතිවෙන්න
නැවතුනේ බැරි හිංදා නිකරුනේ බඩ වෙන්න

පන්සලට නොගියාට හිතින් පන්සල වෙච්චි
හැමෝගෙම අවසාන සායමට කැපවෙච්චි
මල මිනී ගන්ධයට තිලකුණම වැටහිච්චි
අම්මාගෙ බෝරිච්චි අතයි මේ නාකිච්චි

16/12/16 

'කීදෙනෙක් එනවාද යනවාද'

නවතින්න අද මෙහේ
ඉරට ඇයි බය මෙහෙම
'කීදෙනෙක් එනවාද යනවාද'
ඒත් බුදු මහත්තයො
මට මෙහෙම හිතිලා නෑ කිසිදිනේ..

දෙනවා ඔය යතුර මෙහෙ
එළිවෙලා හොඳටෝම
කවුරුවත් දැක්කොතින්
හැමදේම කපෝතියි ගෑණියේ..

ගල් හිතක් විවර කල
යතුර ඔය හදවතයි
එකම එක මොහොත මේ
යන්න දෙන්නේ කෝම මා ඉතින්..

මෙන්න පඩි පැකට්ටුව
අරන් දොර අරින්නකො
වෙනදාට නයිට් කර
මේ වෙද්දි ගෙදර මං දෙවියනේ..

අතීතකාමයද ?

මං ආස බොරපාට පිටුවක
කලු පාට පුංචි අකුරට
කාවො කෑ ලා දුඹුරු කොලයක
හමා එන පරණ සුවඳට
කිරි පාට අලුත් පිටුවක
නැති මහා අමුතු රහසක්
හිත පිනවනා රසයක්
රැඳී තිබුණේ දුඹුරු කොළයක
පරණ පොතකට තිබෙන ආලය
සසල කල හැකි නොවේ කිසිවිට
සුදු පාට අලුත් පිටුවට

සෙරෙප්පුව නැති කකුලෙ හැමදෑම කටුවක්ය

දා දියට කඳුළු කැට මුහු කරාවද හොරෙන්
අප නොදැක වැඩ පලේ පසුවුණාවද දුකෙන්
හිස් පෙට්ටි කඩා හැදු පැදුරු මත සැතපෙමින්
අපායක හිඳ අපව තැබුවෙ නුඹ සුරලොවින්

කිසිදාක ටයිගැටේ නොදෑ මා අප්පච්චි
විට කටින් හැමෝටම හිනා වුණ අප්පච්චි
ළඟින් යන විට නාස් ඇකිලුවත් උද්දච්චි
කුණුපිරුණු කරත්තේ එලෙව්වේ අප්පච්චි

The Hairdresser’s Husband – කොණ්ඩා මෝස්තරකාරිගේ සැමියා

අප යමෙකුට ආදරය කරන්නේ යම් තාක්ද එවන් වූ ආලයක් අප ද බලාපොරොත්තු වන්නෙමු. සමහර අය තම ජීවිත කාලය පුරාවටම තම ආදරණීයයන්ට ආදරය කරන බව කියති. එහෙත් සත්යය යනු යම්කිසි අවස්ථාවකදී ඔබේ ආදරය සන්තෘප්තියට පත්වීමයි. එතැන් පටන් පොදු ජනයා උදෙසා ඔවුන් එකිනෙකාට ආදරේ කරන බව පෙන්වයි. මැතීඩි සිය දිවි තොර කර ගනුයේ ඇගේ ආදරයෙන් ඈ ලද සංතුෂ්ටිය අහිමි වේ යැයි බියපත්වය.

නුඹ බැස යන සඳද නැත්නම් පරවෙන මලද..

නුඹේ නොසරුප් වදන් අභියස
මගේ හදවත කීරි ගැහුණා
කටු ඇණී අත රැඳි රෝස මල
මිල්ලෙ ඇම්බුං ඇලට වැටුණා

මිලින වුණත් ගණ අඳුරේ .. මල් නෙලන්න නම් තහනම්..

වැටෙන් එහා මල් පඳුරේ

ඔබ පිපී වැනේ අත නුදුරේ

මිලින වුණත් ගණ අඳුරේ

මල් නෙලන්න නම් තහනම්

රැල්ලට නොවේ "ගැම්මට" 💪 (ගැම්මෙන් කියවපල්ලා😀)

රට ඉල්ල ඉල්ල
එන හිවල් කොල්ල
කපාපිය බෙල්ල
මං නොවේ මෙල්ල

ඇඟ හිරිවැටෙන්න කුණු කතා කියලා කොටුවෙ හාමුදුරුවො තවමත් කරලියේ

මේ කොටුවෙ හාමුදුරුවන්ගේ බණ ලැයිස්තුවේ මාතෘකා.. මේ චීවරදාරියගෙන් බුදු බණ අහන්න පැමිණෙන පිරිස පහත රූපයෙන් දැක්වෙන්නෙ..මේවා දකින කොට පිප්පිට නම් හිතෙන්නෙ මිනිස්සු තමන්ටම හිනාවෙන්න කොච්චර කැමතිද කියලා.. ඔවුන් මේ ඊනියා බණ අහලා තමන්ගෙම මිනිස්සුන්ගෙ ඇඟට කුණු බිත්තර ගහලා ඒ කුණුවලට හිනා වෙනවා.. මෙයින් ලෝභ, ද්වේශ, මෝහ අවුස්සගෙන දස අකුසල් වඩවා ගන්න ඕන නම් ඔයාලත් කොටුවෙ හාමුදුරුවන්ගෙ බණ අහන්න යන පිරිසට එකතු වෙන්න.. පහත තියෙන්නෙ ඒ බණ වල මාතෘකා කිහිපයක් පමණයි.

• පපුවෙ ඉර පේන්න ටී ෂර්ට් අඳින කෙල්ලන්ට සහ ඇන්ටිලාට

• දැන් ගෑණු Going Away අඳින්නේ ඔන්න මෙන්න තන පටේ වගේ එකක් kotuwe Podi Hamuduruwo

• ජා ඇල බණට ගිහින් ගිලන්පස ගෙනා සුදු දුව ගැන

• නංගිලත් එක්ක 800 Roomවලට ගිය අයියලාට කිව්ව අපුරු කතාව kotuwe Podi Hamuduruwo

• kotuwe podi hamuduruwo ගෙදර කොටු පනින ඇන්ටිලාට කිව්ව කතාව.

• දැන් ඉන්න ගෑණු දරුවන්ට කිරි දෙන විදිය kotuwe hamuduruwo විස්තර කරන අපුරුව

• අඩු වයසින් බඳින කොල්ලොන්ට හරියට පොල් කොලයක් නැවෙන්න චු කරගන්න බෑ kotuwe Podi Hamuduruwo