තරඟයක් රොන්ගන්න

තාරකා මල් පිපෙන රෑක නෙතුකැන් වැසී
පාවෙනා සිතින් ඔබ සමීපෙම සැරි සැරී
භවෙන් භව පැතූ බව කියූ පෙම සැලි සැලී
භාවනා කරන සිත විසිරිලා රිදි රිදී

වසන්තය හරි දුරයි හැමදාම සුළි සුළං
ජීවිතේ දරා ගනු බෑ
දිගන්තය ප්‍රේමයේ අසරණව මිය ගිහිං
යළිත් එය නැගිටින්නෙ නෑ

එක මලක් හැමදාම පිපුණු නිල් විල් තෙරේ
දහසකුත් එක් වරම මල් පිපුන
එකම කුසුමක් ළඟින් නැවතෙනා බමරිඳුට
දැන් දැන්ම තරඟයක් රොන්ගන්න
එක්ව පැතු කෝටියක් උන්මාද පැතුම් පොදි
තනි සිතට සිදුවෙලා වාවන්න
හද ගැහෙන හඬ අසා ගැහුණු මේ හදවතට
දරුණු පහරක් වැදිලා මියැදෙන්න
16/07/23 *Tharu*