කල්පයක් සොයන්නෙම්

මීදුමේ කඳු අතර අතිනතින් පැටලිලා
ලෝකයම මොහොතකට අපි නිසා නැවතිලා
සීරුවේ හද රාව එකිනෙකට යාවෙලා
නොදැනීම බොරළු පිරි ගුරු පාර පහුවෙලා

නීල නිල් කැට වැටෙන වේගෙ මං කියන්නද
රෑට රත් මල් පිපෙන රාස මං කියන්නද
පීන පින් පුරාණයෙ කාලෙ මං කියන්නද
සීත සිත් රොන් විලේ පාස මං කියන්නද

‍ප්‍රේමයේ අරුත අප මේතාක් නොදන්නෙම්
ජීවිතේ පිනාගිය සිතින් යළි විඳින්නෙම්
නිමේශය කෙටියි එහි කල්පයක් සොයන්නෙම්
සිනා මිස කඳුල ගැන නොසිතාම රැඳෙන්නෙම්
16/07/23 *Tharu*