හීනයක් තරම් දිගු
කෙටිම කෙටි කතාවකි ආදරය

එළිවෙනව දන්නෙ නෑ
හීනෙ චරිතය වෙද්දි
බැස යනවා දන්නෙ නෑ
සඳේ සාවිය වෙද්දි

එළිය හද විනිවිදන් යන නිසා
හිරුගෙ පිළිබිඹුව බව නොහැඟුනා
උදෑසන සේ සුපැහැදිළි නිසා
මද්දහන ගැන සිතැඟි බොඳවුනා

කොන්දේසි නොදැමුනා හද බරින් වැඩි හින්දා
වෙන්දේසි නොවුන සිත පේවුනා ඔහු හින්දා
බන්දේසි පුරවලා තෑගි නොලැබුන හින්දා
ලන්දේසි වත්තෙ ඈ හැලුනා මල් වැඩි හින්දා

හීනයක් තරම් දිගු
කෙටිම කෙටි කතාවකි ආදරය..