මලගම

මගේ මලගමට විත්
මා වටේ අසුන් ගෙන
මා නැතුව හැමදේම
ඔබ කතා වූ දේය
මල් වඩම් වට වුනා
ගැසූ අතිගරු පුවරු
සාතිශය සංවේගෙ
පලකරන් බැබලුනා
මා මඟක දුටු විටත්
නොදැක්කා සේ රවන
පතිරාජ ළඟ ඉඳන්
කඳුලකුත් පිහදැම්මා
මා දිහා බලන්නත්
අමතකව ඇතැම් අය
බූරුවා කර තියන්
හයියෙන්ම හිනැහුනා
දුකේ මා අතෑරපු
මාලතී නෝනා විත්
සෝ බරව සන්සුන්ව
තෙල් ටිකක් වත් කළා
කවි ටිකක් ලියවන්න
මේ සල්ලි ටික ගන්න
බැනර් තව මදි වගේ
ඒ ටිකත් ගෙන්නන්න
ඈත පෑ දේදුන්න
මොහොතකින් හැංගේවි
මතකයන් බර සුසුම්
හනික අමතක වේවි
උඹේ පසු ඉරණමේ
සංකේතෙ මංම වේ
මට ඕන පවසන්න
හඬනගා පවසන්න
16/07/05 *Tharu*