දෙනවාද ඔය පාස

අහම්බෙන් දැක්කෙ මං බත් බඳින පත්තරේ
සෞදියෙදි අම්මෙකුට වද දුන්න විස්තරේ
මගෙ අම්මා ගැන සිතා ඇවිලුනා ගින්දරේ
පියඹලා මෙහි එන්න දුක දැනෙන තත්පරේ

ඉටි බබ්බු ඕන නෑ වැලි බතක් උයන්නම්
මාළිගා ඕන නෑ පැල්පතේ වසන්නම්
හරක් කිරි ඕන නෑ තේ කහට හදන්නම්
ඉස්කෝල ඕන නෑ වීදියට බහින්නම්

හැන්දෑවෙ හැමදාම මෙහේ එක සාදයයි
තාත්තයි යාලුවොයි බයිට් එක මං තමයි
මාලැන්ටි එන්නෙ රෑ අපේ තනි මකන්නයි
බිම වැදී කුඩු වුනේ අම්මාගෙ පොටෝවයි

ප්ලේන්වල සද්දෙටයි වැඩි පුරම දැන් ආස
නංගිටත් එහෙමමලු බලන්නෙම දුර ආස
අක්කා හරි බොරුකාරි කීයක්ද දැන් මාස
තවත් බෑ රවටන්න දෙනවාද ඔය පාස
16/07/21 *Tharu*