බොඳ වුන සිතුවම

ගෙවන්නට ළඟ ඉඳන්
තත්පරෙන් තත්පරේ
හදේ ඇඳි සිතුවමේ
පාට පොද ගල්වන්න කලියෙන්..
පින්සලේ සෝදවපු
වීදුරුව පෙරලිලා
සිතුවමම බොඳ වුනා සැනකින්..

කටහඬත් වෙවුලුනා
කඳුළු රැලි බේරුනා
ඈත සිට අමතනා
ගල් හදට නොදැනුනා

මහන්සියි ඇවිදලා හොඳටෝම..
පිපාසය නැතිවෙනා තරමටම..

නොඑන බව පවසන්න නොහැකි වූ
අතරමඟ වෙහෙසන්න අවැසි වූ
සාතන්ගෙ අවතාරෙ නොමැකෙනා පින්තූරේ
ඔබට දැන් සතුටුයිද සොඳුරේ..
පන්සලට රිංගලා උතුරු සලුවත් නැතුව
මං හිතුවා පතන්නට
බොරුව නැති ලෝකයක්
කඳුලින්ම සෝදලා බොධියත්..
16/07/19 *Tharu*