කුණු රස්සාව

කිංකිණි හොලවන ටීචගෙ සිරික්කිය
තාත්ත වගේ වෙන්න ඕන වුනාටයි මට
කුණුවල ගඳට නාහෙ කඩන් යන
එකම එක දිනක් දුන්නොත් ඇති මට

කාක්කගේ පුතා පොඩි කාක්කෙක්
පන්තියේ කසු කුසු ඇහුනා හොඳට
හොරකමුත් නෑ මිනී මැරුවෙත් නෑ
උන්ගෙ කුණු අදින එකද එතකොට වරද

දවසක් කෙල්ලෙක් පාස් කරද්දි ලොරිය
නාහෙ වහගෙනත් ඔක්කාරෙ ආවලු
අම්මට කිව්වත් හිනාවෙලා රැයක
කියනවද රහස කුණු ගඳ ඉවසන

පැණි මොර ගෙඩියක් නෙවෙයි පුතේ ජීවිතය
නෙල්ලි ගෙඩියක් වුනත් රස හත තියෙන
රස්සාව ගැන කිව්වට තාත්තා එහෙම
කඳුලක් දැක්ක ඇහේ රූරා නොවැටුන