පිපුණු වත කමල සුදුමැලිය

ඔබෙ දෑස් පියවුනේ මා ළඟදි මේ තරම්
මේ ලවන් ඔය නළලෙ නතර වුන වෙලවෙයි
ඒ වුනත් දිලිසුනා තරු දෑස් මොහොතකින්
අද දෑස් අගුලු ලා අපෙ හීන බොඳවෙලා

ඒ සුමුදු සිත් පෙත්ත පොඩි කලා සැරවචන
අද සමා අයැදුවත් ඇසේවිද මා සොඳුර
ඔබෙ පිපුණු වත කමල සුදුමැලිය සළු සේම
මේ ළයත් පුපුරයිද නොඉවසා තනි හීන

ඔබ පිදූ හුස්ම පොද සුරකිමිය මා ළඟම
භවයෙන් භවේ අපිව හමුවෙයිද මේ ලෙසට
මේ සෑය කියූ දුක ඇට මිඳුළු සිසාරා
අපේ සෙනේ මාලිගේ ගිනි තියා ඇවිලුවා
16/07/05 *Tharu*