.......රකින නෙතු අඟ තටු සොයා.......

රෑකට ගෙයින් එළියට නොම බසිනු කියා

යාලුවො එපා අකැපැයි මට සෝලි තියා
සුළං ඇතත් සරුංගලේ අතේ තියා
අාලෙට නීති පොත හැදුවේ කිමද ඔයා...
. .

දන්නෙද රකින අරුතක වග කිමැයි කියා 

මිතුරන් වෙසින් හතුරන් නොම ගනින් තියා

 හිතු මතයෙම යනෙනා තැන් එකල ගියා 

රැඳෙනට කියන ලෙස බැරිනම් ගනිමි ලියා...
. .

නිදහස නොමැති ප්‍රේමයකින් ඵල කිම්ද 

රකුසෙකු මවන් කෙලෙසක ජීවත් වෙම්ද 

සංකාවකට ඇති පිවිසුම් කොතරම්ද
මා සෙනෙහේ අහසක් ඔබ නොදනිම්ද...
. .

පය රිසි දෙස දුවන ඒ නිදහස කුමට
රැකවල් එලන්නේ නුඹ රකිනට පෙමට

 මානෙන් දෑස් මා හැර යන්නේ එමට 

ගැහැණිය බවත් නිති සිත දැන ගනු සොඳට...
. .

අහසේ සරන්නට ආසයි සමනැලියත්
මල් මත රැඳී කිසිවෙකුගේ සිත නොරිදත් 

ජීවිත කෙටියි මිය යන දිනයක් නොදනිත් 

එබැවින් නිදහසේ සුව විඳ ගත යුතු වෙත්...